Një aksident i rëndë ka ndodhur gjatë natës tek “Shkëmbi i Kavajës”, ku një 18-vjeçar, ka humbur kontrollin mbi drejtimin e automjetit, dhe për pasojë automjeti është përplasur me ambientet e jashtme të një hoteli.
Nga përplasja ka humbur jetën një punonjës i pastrimit dhe gjelbërimit, i cili në momentin e përplasjes, ishte duke pastruar. Po ashtu të dëmtuara edhe dy vajza, të cilat ishin pasagjere në këtë automjet, të cilat ndodhen nën kujdesin e mjekëve.
Gjithashtu Policia thekson se 18-vjeçari është shoqëruar në Komisariatin e Policisë, për veprime të mëtejshme.
Njoftimi i plotë:
Durrës/Informacion paraprak
Në orët e para të mëngjesit, në vendin e quajtur “Shkëmbi i Kavajës”, shtetasi B. H., 18 vjeç, ka humbur kontrollin mbi drejtimin e automjetit, dhe për pasojë automjeti është përplasur me ambientet e jashtme të një hoteli.
Si pasojë e përplasjes, ka humbur jetën shtetasi B. B., rreth 50 vjeç (punonjës pastrimi dhe gjelbërimi), i cili në momentin e përplasjes, ishte duke pastruar.
Gjithashtu, nga përplasja janë dëmtuar shtetaset F. D., 20 vjeçe dhe L. P., 20 vjeçe, pasagjere në këtë automjet, të cilat ndodhen nën kujdesin e mjekëve.
Drejtuesi i automjetit, shtetasi B. H. është shoqëruar në Komisariatin e Policisë, për veprime të mëtejshme.
Grupi hetimor vijon punën për sqarimin e rrethanave të aksidentit.